Нұр-Сұлтан, BAQ.KZ. "Қан мен тер" трилогиясының авторы, Қазақстанның халық жазушы, Ұлы отан соғысының ардегері Әбдіжәміл Кәрімұлы Нұрпейісов бүгін 95 жасқа толды.
Әбдіжәміл Кәрімұлы Нұрпейісов - 1924 жылдың 22 қазанында Қызылорда облысының, Арал ауданының, Құланды поселкесінің Үшкөң ауылында дүниеге келген. Қазақстанның халық жазушысы. ХХ ғасырда қазақ әдебиетіне зор үлес қосып жүрген суреткерлердің бірі, қоғам қайраткері.1941-1945 жылдардағы II Дүниежүзілік соғыс ардагері, Оңтүстік және Прибалтика майданында, Луганск түбінде миномёт ротасында саяси қызметкер, кейін штабист ретінде Балтық маңында Курляндия плацдармындағы шайқастарға қатысқан.
