Абай облысындағы Орлов шахтасында болған қайғылы жағдайға байланысты қылмыстық іс қозғалды, деп хабарлайды BAQ.KZ.
Бұл туралы облыстық полиция департаменті мәлімдеді.
Абайсыздықтан адам өліміне әкелген тау-кен немесе құрылыс жұмыстарын жүргізудің қауіпсіздік ережелерін бұзу дерегі бойынша сотқа дейінгі тергеу басталды. Қазіргі уақытта орын алған жағдайдың себептері анықталып жатыр, - делінген хабарламада.
Белгілі болғандай, тергеп-тексеру өңірдің полиция департаментінің бақылауына алынды.
Еске сала кетейік, бұған дейін Абай облысында шахтадағы апаттан бір кеншінің қаза тапқаны туралы жазған болатынбыз.
