Абай облысының құтқарушылары жоғалған малшыны тапты, деп хабарлайды BAQ.KZ Төтенше жағдайлар министрлігіне сілтеме жасап.
Белгілі болғандай, 112 пультіне 1977 жылы туған ер адам атпен Тарбағатай ауылынан Ақши ауылына қарай жолға шығып жоғалып кеткені туралы хабарлама келіп түскен.
ТЖМ құтқарушылары полиция қызметкерлерімен бірлесіп Іргебай қыстауынан 10 шақырымында орналасқан Мыңбұлақ қыстауында жоғалып кеткен шопанды тапты. Ол тексеру үшін ауылдық ауруханаға жеткізілді, - делінген хабарламада.
ТЖМ дауылды ескертулерге назар аударып, ауа-райы нашарлаған жағдайда елді мекеннен тыс жерге жолға шықпауға кеңес береді.
