"Қазгидромет" РМК Абай облысы мен Шығыс Қазақстан аумағында қатты аяз күтілетінін ескертеді, деп хабарлайды BAQ.KZ.
Мамандардың болжамына сәйкес, бүгін түнде -45°C, ертең күндіз -40°C аяз күтіледі.
Мұндай ауа райына арктикалық антициклонның шығысқа қарай ығысуы себеп болуы мүмкін.
Сондай-ақ 20 ақпан күні ауа райының қолайсыздығына байланысты Семей қаласындағы 0-11 сынып оқушылары және колледж, жоғары оқу орнының студенттері үшін сабақ қашықтықтан оқыту форматына ауыстырылды.
"ҚазАвтоЖол" компаниясы -40°C аязға байланысты Абай облысында жалпы ұзындығы 2174 шақырым болатын 7 автожол жабылғанын мәлімдеді.
