Нұр-Сұлтан, BAQ.KZ. «Toyota Runner» маркалы автокөлігінен жалпы салмағы 12 қап кептірілген есірткі тәркіленді, деп хабарлады Жамбыл облысы ПД баспасөз қызметі.
«Жамбыл облысы ПД-ның патрульдік полиция батальонының қызметкерлері Бірлік-Мойынқұм-Ұланбел тас жолының 33-шақырымында «Toyota Runner» маркалы автокөлігімен кетіп бара жатқан Шу қаласының 40 жастағы тұрғыны ұсталды. Көліктен жалпы салмағы 287,5 келі болатын 12 қап кептірілген марихуана есірткі заты табылып, тәркіленді», - делінген ведомствоның хабарламасында.
Қазіргі уақытта аталған дерек бойынша Қылмыстық кодекстің 297-бабының 3-бөлігімен сотқа дейінгі тергеу амалдары жүргізілуде.
Күдікті қамауға алынып, Тараз қаласының уақытша ұстау изоляторына жіберілді.
