Қызылорда тұрғыны 1997 жылы сатушыдан 3 бөлмелі пәтерді 120 мың теңгеге сатып алған, деп хабарлайды BAQ.KZ.
Жоғарғы соттың мәліметінше, сатушы пәтерді сату туралы қолхат жазып, сатып алушыға техникалық төлқұжат пен пәтердің кілтін тапсырған. Бірақ сатып алу-сату шарты жасалмаған, пәтер сатып алушының атына рәсімделмеген, құжаттарға сәйкес пәтер сатушының меншігінде қалған.
Кейіннен сатып алушы қайтыс болған, ал жесір әйел сатушыдан пәтерді мұрагерлікке оның атына рәсімдеуді сұраған.
Сатушы түрлі себептермен қайта тіркеуді кейінге қалдырғандықтан, жесір әйел Қызылорда қалалық сотына пәтерге меншік құқығын тану туралы талап қоюмен жүгінген. Сотта талап қоюшы осы пәтерде 1997 жылдан қазіргі уақытқа дейін тұрғанын, 27 жылдан астам уақыт бойы оның жауапкершілігінің ауыртпалығын арқалап келгенін, яғни коммуналдық және басқа қызметтер үшін барлық төлемдерді төлеп, күрделі жөндеу жұмыстарын жүргізгенін атап көрсеткен, - делінген хабарламада.
Сатушы Алматы қаласына көшіп келгендіктен, қазіргі уақытта құжатты рәсімдей алмағандықтан, ол соттан пәтерге меншік құқығын тануын сұраған.
Сатушы 1997 жылы пәтердің сатылғанын растай отырып, талап қоюды мойындады.
АК-ның 240-бабының 1-бөлігіне сәйкес, мүліктің меншік иесі болып табылмайтын, бірақ оны 7 жыл бойына өзінің жылжымайтын мүлкі ретінде адал, ашық және үздіксіз иеленетін азамат немесе заңды тұлға осы мүлікке меншік құқығына ие болады. Сот отырысында талап қоюшының коммуналдық төлемдер бойынша қарызы жоқтығы, салық төлейтіні және 27 жылдан астам уақыт бойы пәтерді адал, ашық және тұрақты пайдаланып келе жатқаны расталды, - деп хабарлады Жоғарғы соттың баспасөз қызметі.
Осыны ескере отырып, сот жесір әйелдің пәтерге меншік құқығын мойындады.
Сот шешімі заңды күшіне енген жоқ.
