Италия 2028 жылғы қысқы жасөспірімдер Олимпиадасы ойындарының өткізілу орны болып таңдалды, деп хабарлайды BAQ.KZ.
Бұл шешім Халықаралық Олимпиадалық комитетінің (ХОК) 143-ші сессиясында қабылданды.
Мультиспорттық жарысты елдің солтүстігінде орналасқан Доломиттер Вальтеллина өңірі қабылдайды. Ұйымдастырушылардың өтінімі 89 дауыс жинады.
Айта кетейік, 2026 жылы Италияда қысқы Олимпиада ойындары өтеді. Төртжылдықтың басты қысқы жарысы Милан және Кортина-д’Ампеццо қалаларында ұйымдастырылады.
