Лос-Анджелес 2028 жылғы Жазғы Олимпиаданы автокөліксіз өткізбек. BAQ.KZ бұл туралы қала мэрі Крен Бастың мәлімдемесіне сілтеме жасап хабарлайды.
Ұйымдастырушылар мұндай шараның кептелістен қашу үшін қажет екендігін айтады.
Көрермендер Олимпиада нысандарына қоғамдық көлікпен жетуге тиіс. Осы мақсатта жаңа 3 мың автобус пайдалануға беріледі. Сондай-ақ қашықтан жұмыс істеуге басымдық жасалады. АҚШ үкіметі Лос-Анджелестің транспорттық жағдайын жақсарту үшін 900 млн доллар бөлуге уәде берді, – деп жазылған хабарламада.
