Нұр-Сұлтан, BAQ.KZ тілшісі. Бұл туралы ІІМ ресми өкілі Нұрділдә Ораз министрліктің биылғы соңғы брифингінде айтты.
Қостанайлық жедел уәкілдер Алматы және Нұр-Сұлтан қалаларында ұзақ уақыт бойы пәтерді жалға беріп келген адамды ұстады. Алаяқтың қолынан 50-ден астам адам зардап шекті. Ер адам «Krisha.kz» сайтында хабарландырулар жариялап, онда тұрғын үйді жалға алу үшін қолайлы баға ұсынған. Пәтер алып үлгермейміз деп қорыққан сенімсіз азаматтар белгіленген карта нөміріне алдын ала төлем жіберген, - деді Нұрділдә Ораз.
Оның айтуынша, сомалар 5 мыңнан 50 мың теңгеге дейін өзгеріп отырған.
Бұл ретте байланыс негізінен «WhatsApp» арқылы жүзеге асты, онда алаяқ пәтерлерді көрсетуді кейінге қалдырып немесе басқа уақытқа шегеріп отырған.Күдіктіден ұялы телефонды тартып алғанда телефон бір секундқа тоқтамаған. Полиция қызметкері телефон тұтқасын алып, қоңырауға жауап бергенде, азаматтар алаяқтардың айласына түсіп қалғандарына сенбеді.
Бұл алдау екенін, алаяқтар сізді алдамақ болғанын, іс жүзінде пәтер жоқ екенін бірнеше рет қайталауға тура келді», - дейді облыстық криминалдық полиция қызметкерлері, - деді ол.
Нұрділдә Ораз айтқандай, қазіргі уақытта Солтүстік Қазақстан облысының 20 жастағы тумасы бойынша сотқа дейінгі тергеу амалдары жүргізілуде. Оның осыған ұқсас фактілерді жасауға қатысы бар-жоғы тексерілуде.
