Астанада теннистен ел біріншілігінің жекелей сындағы ересектер арасындағы финалдық кездесулер аяқталды, деп хабарлайды BAQ.KZ.
Ерлер арасындағы финалда 17 жастағы қарағандылық Әмір Омарханов Теміртау теннис мектебінің өкілі Григорий Ломакинмен кездескен. Бірінші сетте Омарханов 6:1 есебімен сенімді жеңіске жетті, кейін Ломакин арқа жарақатына байланысты матчты жалғастыра алмады.
Осылайша, Әмір алғаш рет ересектер арасындағы Қазақстан чемпионатының жеңімпазы атанды. Қола жүлде Ислам Орынбасарға бұйырды, себебі оның қарсыласы Тимур Мауленов медициналық себептерге байланысты кездесуге шықпады.
