Қазақстанның барлық қалалары мен елді мекендерінде республикалық ауқымда «Халық заңгері» акциясы өтті, деп хабарлайды BAQ.KZ.
Әділет министрлігінің мәлімдеуінше, аталған акция халықтың құқықтық сауаттылығын арттыруға және тегін заңгерлік кеңес беруге бағытталған.
Осы шара аясында заң көмегіне жүгінген 150 мыңнан астам адам тегін заңгерлік кеңес алды.
Шараны ҚР Үкіметі, ҚР Әділет министрлігі, Сыбайлас жемқорлыққа қарсы іс-қимыл агенттігі, Zakon.kz және “Параграф” Ақпараттық жүйесі қызметкерлері ұйымдастырды.
Шараға 1000-нан астам маман қатысты. Олардың қатарында мемлекеттік органдардың өкілдері, жетекші заңгерлер, адвокаттар, нотариустар, жеке сот орындаушылар бар.
