Нұр-Сұлтан, BAQ.KZ. 10 сәуірде Қазақстанның екі қаласында қолайсыз метеожағдай қалыптасады, деп хабарлайды "Қазгидромет" РМК.
10 сәуірде екі қалада – Балқаш пен Қарағандыда жайсыз метеорологиялық жағдай қалыптасып, ауа ластанады, - делінген Қазгидромет хабарламасында. Республиканың өзге қалаларында метеожағдай қалыпты.
Қолайсыз метеорологиялық жағдайлар – атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
